„Заедничката листа“ објави дека ќе му го предложи Гади Ајзенкот – лидер на партијата „Јашар“ – на израелскиот претседател Исак Херцог како кандидат за формирање нова влада. Алијансата ја опиша оваа одлука како важен чекор во напорите да се спречи враќањето на Бенјамин Нетанјаху на премиерската функција, пренесува „Џерузалем пост“.
Во соопштението од алијансата се наведува дека одлуката е донесена едногласно, по консултации меѓу сите политички фракции што ја сочинуваат „Заедничката листа“.
„До оваа одлука дојдовме едногласно, по консултации меѓу членовите на ’Заедничката листа‘. Тоа не беше лесна одлука“, се вели во соопштението.
„Заедничката листа“ освои 11 пратенички места; со овој потег, поддршката за Гади Ајзенкот се зголеми на вкупно 67 пратеници во Кнесетот, кој брои 120 места. За парламентарно мнозинство се потребни најмалку 61 глас.
Во меѓувреме, блокот на Бенјамин Нетанјаху освои 53 места, што значи дека му недостасуваат осум места за мнозинство. Сепак, изразувањето поддршка за Ајзенкот за време на консултациите со претседателот не гарантира дека сите партии што го предложиле, подоцна ќе се согласат да учествуваат во неговата влада.