Во Битола отворено јубилејното 35. издание на Интернационалниот фестивал на класична музика „Интрерфест“

Од:

Со балетската претстава „Шехерезада“ од Николај Римски-Корсаков, во изведба на Националната опера и балет, синоќа во Битола почна јубилејното, 35-то издание на Интернационалниот фестивал на класична музика „Интерфест“.

Фестивалот за отворен го прогласи градоначалникот на Општина Битола Тони Коњановски и посака добредојде на светските и македонските класици кои деновиве ќе престојуваат во градот на културата.

-Убавината на класичната музика и уметност по 35-пат одекнуваат од градот на клавирите благодарение на неуморноста на фестивалските творци почитуваните уметници, брачната двојка Рибарски. Овој фестивал е особено значаен за нашите ученици од Државното музичко училиште и нивните професори кои се покажале и докажале како расадник на уметници во светот на класичната музика, нагласи Коњановски.

Гостите од градот, државата и странство ги поздрави и уметничкиот директор на фестивалот Милица Шперовиќ Рибарски која пред свеченото отворање промовираше ликовна изложба на тема „Современа италијанска графика и цртеж“.

Јубилејното издание на „Интерфест“ вечер продолжува со концерт на Бруно Канино, легенда на италијанскиот пијанизам. Светски познатиот уметник од 20 часот ќе настапи во концертната сала на битолскиот Офицерски дом каде ќе изведе дела од Скарлати, Клементи, Петраси и Дебиси.

Би можело да ве интересира

„Овој пат таа кажува“ – 51. МОТ со програма во знакот на женскиот авторски глас

Skopje Design Week 2026: Скопје станува европска точка на средба на дизајнот, занаетчиството и новите креативни идеи

Огромен интерес за мастеркласот на Драган Бјелогрлиќ на Скопје Филм Фестивал 2026

„Бои и вино“ – ликовно ќоше каде секој може да биде уметник

А1 Македонија партнер на 26. Скопје филм фестивал

Ново издание на месечните „Кино средби“ на Францускиот институт Скопје во Кинотеката