Голманот Роналд Куман Џуниор, син на поранешниот холандски фудбалски дефанзивец Роналд Куман, постигна два гола за холандскиот клуб Телстар, обезбедувајќи им бод на натпреварот од лигата против Камбур.
Ronald Koeman Jr. legt weer aan vanaf elf meter en scoort voor het tweede seizoen op rij! 🤯🧤#telcam pic.twitter.com/xhA3KvFMac
— ESPN NL (@ESPNnl) September 6, 2026
Куман Џуниор реализираше два пенала на натпреварот од најсилната холандска лига, Ередивизие, кој заврши со резултат 2:2, при што вториот гол го постигна во 11-тата минута од судиското надополнување.
RONALD KOEMAN JR. SCOORT ZIJN TWEEDE VANDAAG EN REDT EEN PUNT 🤯🔥#telcam pic.twitter.com/A3SG3QkHQb
— ESPN NL (@ESPNnl) September 6, 2026
Овој 31-годишен фудбалер и претходно има постигнато гол од пенал – победничкиот погодок против Волендам во мај, со кој го спаси Телстар од испаѓање од лигата.
Неговиот татко, поранешен тренер на шпанската Барселона и на англиските клубови Евертон и Саутемптон, постигна 115 гола во текот на својата кариера, иако главно играше во одбраната.
Од тие 115 гола, 60 беа постигнати од слободни удари, вклучувајќи го и победничкиот гол за Барселона против италијанската Сампдорија во финалето на Купот на европските шампиони во 1992 година, како и првиот гол во одлучувачката победа на Холандија од 2:0 над Англија во квалификациите за Светското првенство во 1994 година.
Телстар остана со играч помалку во 22-рата минута и прими два гола во првото полувреме.
На половина час пред крајот на натпреварот, Камбур сè уште имаше предност од два гола.
Куман Џуниор го постигна првиот гол од пенал во 63-тата минута, а во 101-вата минута, односно длабоко во судиското надополнување, го постигна и вториот, што предизвика големо славје кај играчите и навивачите на Телстар.
Тој е првиот голман што постигнал два гола на еден натпревар во Ередивизие.