Претседателот на Комитетот за национална безбедност и надворешна политика на иранскиот парламент, Ебрахим Азизи, денеска на платформата „Икс“ напиша дека Соединетите Американски Држави покажаa оти не го разбираат јазикот на дипломатијата.
Тој додаде дека САД нема ниту да ги укинат санкциите, ниту да ги одмрзнат иранските средства, ниту пак да стават крај на „поморското пиратство“.
Азизи заклучи дека „историјата ќе покаже оти јазикот на силата ќе ги принуди“ САД не само да ги преземат тие чекори, туку и да му се извинат на големиот ирански народ и засекогаш да го напуштат регионот.