Најмалку 14 лица загинаа, а 121 беа повредени во руски напад врз трговски центар во украинскиот град Криви Рих, родниот град на претседателот Володимир Зеленски.
Меѓу повредените има најмалку 22 деца.
Абсолютно цинічний і підлий удар завдали росіяни по звичайному торговельному центру в Кривому Розі. Ударні дрони спрацювали у дві хвилі: через пів години після першого влучання і пожежі був повторний удар по рятувальних службах. Станом на зараз відомо про пʼятьох загиблих. Мої… pic.twitter.com/WOgRhh9uFQ
— Volodymyr Zelenskyy / Володимир Зеленський (@ZelenskyyUa) August 21, 2026
Нападот се случи денеска попладне, кога руско беспилотно летало погоди прометна цивилна област во градот. Според украинските власти, бројот на жртви може дополнително да се зголеми, а по ударот во трговскиот центар избувна пожар, пренесува „Еуроњуз“.
Зеленски го осуди нападот како „циничен и кукавички“, нагласувајќи дека целта бил обичен трговски центар. Според него, нападот се одвивал во два брана.
Второто беспилотно летало ја погодило областа околу половина час по првиот удар, додека спасувачките операции веќе биле во тек, при што биле погодени и службите за итна помош.
„Светот мора да одговори на соодветен начин – преку вршење вистински притисок врз агресорот“, изјави украинскиот претседател.
Криви Рих, индустриски град оддалечен околу 60 километри од линијата на фронтот, е еден од градовите што често се цел на руски напади уште од почетокот на руската инвазија во 2022 година.