Американската пејачка и „кралица на попот“ Мадона го посети манастирот Варлам на Метеори во Грција, каде што поминала околу три часа и од игуменот на манастирот, отец Бенедикт, побарала духовни совети.
Мадона во петокот пристигнала на Метеори од Крф, каде што престојува на одмор, во друштво на својот син и уште околу 12 лица. Според информациите на грчките медиуми, групата пристигнала со два хеликоптери, објави „Прототема“.
Во манастирот Варлам, кој во моментот на нејзината посета веќе бил затворен за јавноста, Мадона била пречекана од монасите, кои специјално го отвориле комплексот за нејзиниот престој.
Madonna is in Greece and visited Varlaam Monastery in Meteora. The singer kept a low profile and spoke with the Abbot Father Benedict, in a meeting described as personal and spiritual in nature. How nice to see, it is such an amazing place. Go Madge.https://t.co/0erQjs1RZR pic.twitter.com/ELu7pVJ7xY
— Nomadpossum 🐟🇬🇷 (@nomadpossum) August 15, 2026
Пејачката на Метеори поминала околу три часа, од 16 до 19 часот по локално време, а манастирот го разгледала во придружба на двајца водичи.
Според грчките медиуми, Мадона била многу срдечна, но настојувала нејзината посета да помине дискретно и без големо внимание од јавноста.
На фотографиите од посетата се гледа дека била облечена во бело.
Primeiros registros de Madonna na Grécia 🇬🇷
Madonna foi vista nesta sexta-feira (14) em Kalambaka, na Grécia. A diva chegou de helicóptero e, em seguida, visitou o Mosteiro Sagrado de Varlaam, em Meteora. pic.twitter.com/LNCVYtsu18
— Madonna Access (@madonnaccess) August 15, 2026
Посебен дел од посетата бил средбата со игуменот на манастирот Варлам, отец Бенедикт, која, според еден од монасите, имала изразито личен и духовен карактер.
За време на разговорот со 49-годишниот игумен, Мадона покажала посебен интерес за духовни прашања и од него побарала „духовни совети“.
Според истиот монах, пејачката го прашала игуменот и за бројаницата што ја држел во раката.
Madonna is indeed in Greece 🇬🇷! She visited Meteora(an amazing & religious place) from Corfu where she’s currently staying and celebrating her birthday tomorrow! #madonna #greece #birthday #confessionsii pic.twitter.com/HvHFdJ2jXV
— Anti-Social (@nikolaossigkas) August 15, 2026
По посетата на Метеори, Мадона се вратила на Крф, каде што го продолжува одморот во Грција и каде најверојатно ќе го прослави својот 68 роденден.