Најдобриот фудбалер од Светското првенство, Шпанецот Родриго Ернандез, им се придружи на бројните ѕвезди од светот на спортот и шоу-бизнисот кои ја избраа Црна Гора за место за свој одмор.
Брилијантниот играч од средниот ред, попознат по прекарот Родри, пред неколку дена пристигна во Порто Монтенегро и ги разгледува најголемите атракции во Црна Гора.
Вчера се возеше со жичницата од Ѓеновиќи до Ловќен и уживаше во спектакуларниот поглед на Бока Которска.
Можеби капитенот на репрезентацијата што доминантно стигна до титулата светски шампион на Светското првенство во САД, Канада и Мексико го послуша советот на шпанскиот премиер Педро Санчез, кој за време на самитот Западен Балкан – Европска Унија препорача посета на Црна Гора, или пак Пеп Гвардиола му раскажал за Црна Гора.
