Исламската револуционерна гарда (ИРГК) соопшти дека извршила ракетни напади врз две американски воени бази во Кувајт и клучни објекти на Петтата флота на американската морнарица во Бахреин, како одговор на американските напади врз иранските позиции.
The IRGC Aerospace Force has released footage showing the launch of Emad medium-range ballistic missiles (MRBMs) toward Kuwait early this morning.
It is somewhat unusual to use MRBMs, given that SRBMs could be used instead; the reason for this choice is not clear. https://t.co/reugNba4CZ pic.twitter.com/23jL6oaBiW
— OSINTWarfare (@OSINTWarfare) June 6, 2026
Во соопштение објавено рано утрово, ИРГК соопшти дека нејзините воздухопловни сили испукале балистички ракети кон воздухопловната база Али Ал Салем во Кувајт, како и кон преостанатите важни објекти на Петтата флота во Бахреин.
Според тврдењата на иранската страна, нападите следеле веднаш по дејствијата на американската армија.
Според ИРГК, ескалацијата започнала околу 1:30 часот наутро кога четири танкери за нафта, за кои тврдат дека работеле под заштита на американската војска, се обиделе да го напуштат Ормутскиот теснец без дозвола.
Иранците тврдат дека ги предупредиле бродовите неколку пати, и дека еден танкер потоа бил погоден и запрен, додека другите три се вратиле назад.
Дополнителни тензии предизвикаа, според Техеран, американските беспилотни летала што ги погодија телекомуникациските кули во Кешм и Сирик околу 2:30 часот наутро.