Шефицата на европската дипломатија, Каја Калас, повторно ја посрамоти Европската Унија, изјави денес портпаролката на руското Министерство за надворешни работи, Марија Захарова, и ги отфрли тврдењата за 19 наводни руски напади врз други земји.
Според Захарова, тезата за наводните 19 руски напади можела да се слушне уште во ноември 2025 година, со проценка дека Калас „успеала да се вразуми“ во тоа време, пренесува Спутник.
„Но, не, глупоста не се лечи лесно. Сега повторно се споменуваат истите 19, само што сега Калас одлучи да ја додаде и Африка“, рече Захарова.
Портпаролката објави и список на напади од страна на Обединетото Кралство и земјите-членки на Европската Унија врз африканските земји во последните 100 години, наведувајќи дека нема ништо чудно во фактот што сегашните членки на ЕУ и Лондон фигурираат во најлошите случаи на агресија и интервенција.
