Украинскиот претседател Володимир Зеленски денес изјави дека ќе оди на Светскиот економски форум во Давос само ако таму можат да се постигнат конкретни резултати.
Во вечерното видео обраќање, тој нагласи дека сите украински владини претставници сега треба да работат на проблемите на Украина.
„Ракетите за воздушна одбрана се потребни секој ден, оружјето е потребно секој ден, опремата за обновување, за резервата е потребна секој ден. Ако форумот во Давос обезбеди вистински резултати за Украина, Украина ќе биде претставена таму. На никого не му требаат празна политика и разговори без резултати“, истакна украинскиот лидер.
Тој додаде дека сите службени лица, претставници на локалните власти и менаџери на државни претпријатија, вклучувајќи ги и енергетските компании, мора да се справат со ситуацијата во земјата.
Повеќе од еден милион домаќинства во Киев се без електрична енергија по последните руски воздушни напади, изјави денес Зеленски.