Претседателот на САД, Доналд Трамп, изјави дека ниту еден претседател не направил повеќе за НАТО од него и дека оваа организација не би постоела „доколку тој не се појавеше“.
„Ниту една личност, ниту еден претседател не направил повеќе за НАТО од претседателот Доналд Трамп. Да не се појавев, НАТО денес немаше да постои!!! Ќе завршеше во кантата за ѓубре на историјата. Жално, но вистинито!!! – напиша Трамп на социјалната мрежа „Truth Social“.
Трамп се закани во саботата дека ќе воведе царини од 10 проценти од 1 февруари за стоки од Велика Британија, Норвешка и шест земји од ЕУ вклучени во арктичките воени вежби во Гренланд, кои ќе важат додека не се постигне договор за купување на Гренланд од САД.