Украинските сили извршиja напади со беспилотни летала и оштетиja руски воени објекти на Крим, вклучувајќи го радарот „Валдај“, команден пункт и база за лансирање и складирање на беспилотни бродови, според командантот на Силите за беспилотни системи на вооружените сили на Украина, Роберт Бровди.
Како што објаснува украинската јавна служба Суспилна, радарот „Валдај“ е нов руски мобилен радарски систем развиен за откривање и неутрализирање на мали беспилотни летала, а ова е трет познат случај што украинските сили го оштетија во 2025 година.
Претходно, во февруари 2025 година, два вакви системи беа уништени од експлозија во воени објекти во Подмосква, а во октомври, еден „Валдеј“ беше уништен на аеродром во Крим.
Украинските воздушно-одбранбени сили соборија вкупно 30 руски беспилотни летала во текот на ноќта, објавија утрово воздухопловните сили на вооружените сили на Украина.
Во соопштението објавено на Телеграм се наведува дека Русија лансирала вкупно 48 беспилотни летала во Украина во текот на ноќта.