Утринава околу 8 часот, полицијата во хрватскиот град Риека пронајде тешко повредена жена на скалите од зградата во која живее. Таа покажуваше знаци на живот.
И покрај тоа што ѝ беше укажана итна медицинска помош и беа направени обиди за реанимација, таа почина – јавуваат хрватските медиуми.
Полициските службеници пристигнаа по дојава, а во стан во зградата е пронајден маж со повреда на вратот.
Полицијата соопшти дека тој е приведен во врска со извршување на кривично дело. Згрижен е и под надзор на полициски службеници.
Истрагата е во тек, а кривичната истрага продолжува за да се утврдат сите околности и релевантни факти за овој настан.