Федерален суд во Чикаго соопшти дека денес ќе се одржи рочиште каде што се очекува синот на затворениот мексикански наркобос Хоакин Ел Чапо Гузман, Хоакин Гузман Лопез, да го промени своето изјаснување за виновен во случај на трговија со дрога во Соединетите Американски Држави, неколку месеци откако неговиот брат се изјасни за виновен по слични обвиненија.
Гузман Лопез, еден од четворицата синови на затворениот водач на картелот Синалоа, Ел Чапо, првично се изјасни за невин по неговото апсење минатата година во Тексас, објави Ројтерс.
Хоакин Гузман Лопез и уште еден долгогодишен водач на Синалоа, Исмаел Ел Мајо Замбада, беа уапсени во јули 2024 година во Тексас откако слетаа во Соединетите Американски Држави со приватен авион.