Ѕвездата на OnlyFans, Софи Рејн, им ги откри своите заработки во текот на изминатата година на своите следбеници, а сумата ги шокираше сите.
Софи Рејн објави дека заработила повеќе од 43 милиони долари (37 милиони евра) за само 12 месеци, засенувајќи ги некои од најголемите ѕвезди во Холивуд, пишува LADbible.
Според објавените податоци, Рејн заработила точно 43.477.695 долари помеѓу 28 ноември минатата година и 28 ноември оваа година.
Оваа сума ја става високо на листата на заработки во индустријата за забава, дури и во споредба со актерите од А-листата. На пример, нејзината годишна заработка ја надминува онаа на добитничката на Оскар Ема Стоун, која наводно заработи 26 милиони долари (22 милиони евра) во 2023 година.
Оваа сума на заработка ја става рамо до рамо со филмските гиганти како Мет Дејмон и Рајан Гослинг, кои исто така заработиле околу 43 милиони долари (37 милиони евра) минатата година. Според моменталните податоци, единствените луѓе во Холивуд кои заработиле повеќе од неа се Том Круз, Марго Роби и Адам Сандлер.
Не е изненадувачки што Софи Рејн напиша под објавата дека е „благодарна за една година тука“, со оглед на тоа што платформата ја направила исклучително богата. Иако е една од тие што најмногу заработуваат на OnlyFans, важно е да се напомене дека платформата го зема својот дел, па конечниот износ што ѝ останува е малку помал.
Неодамна таа донираше 121.000 долари (околу 104.000 евра) на бездомниците.
„Ако можам да го претворам вниманието што го добивам со мојата содржина во храна на нечија маса – ќе го правам тоа секогаш“, рече 21-годишната Рејн.