Утрово е најстудено во Берово, -4 степени, а максимални 3 степени се измерени во Скопје–Зајчев Рид и Претор.
Според Управата за хидрометеоролошки работи, -1 степен е измерен во Крива Паланка, Крушево и Маврови Анови, 0 во Струмица, Демир Капија и Штип, 1 во Скопје-Петровец, Кавадарци, Тетово и Куманово, како и 2 степена во Битола, Гевгелија, Велес, Прилеп и Виница.
Најмногу дожд во изминатите 24 часа наврна во Крива Паланка и Маврови Анови, 4 литри на метар квадратен, 3 во Штип и Виница, 2 во Крушево, 1 во Скопје–Зајчев Рид, Кавадарци, Велес, Берово и Попова Шапка.
Времето денеска ќе биде променливо облачно со сончеви периоди. Ќе дува слаб до умерен, наместа во западните делови повремено засилен ветер од јужен правец. Максималната температура ќе биде во интервал од 8 до 15 степени.
Во Скопје, променливо облачно со сончеви периоди. Ќе дува слаб до умерен ветер претежно од јужен правец. Максималната температура ќе достигне до 13 степени.
Според Управата за хидрометеоролошки работи, од утре, па сè до сабота ќе преовладува претежно облачно време со локални врнежи од дожд. Пообилни врнежи се очекуваат во четврток, а на повисоките планини ќе има услови за врнежи од снег. Во вторник и среда ќе дува умерен до засилен ветер од јужен, а во деновите потоа од северен правец.