Девојка (26) се бори за живот откако маж ја полеа со бензин и ја запали во воз во Чикаго.
Осомничениот Лоренс Рид, (50), се соочува со федерални обвиненија за тероризам во врска со исклучително брутален напад што се случи во понеделникот вечерта во воз во Чикаго.
Само 20 минути пред нападот, Рид наполни пластично шише со бензин на бензинска пумпа и го понесе со себе во возот.
Безбедносните камери покажуваат како маж, за кој се верува дека е Рид, случајно избира жртва, ѝ се приближува одзади и ѝ истура бензин врз главата.
Жената, која „само седела и не вознемирува никого“, се обидува да го одбие и да избега, но напаѓачот ја следи.
Жртвата претрпе изгореници од трет степен по целото тело.
Според американскиот обвинител Ендру Бутрос, дури и додека е на подот и се обидува да го изгасне пожарот со тркалање, никој не ѝ доаѓа на помош сè додека не успеа да се симне од возот, на перонот.
Според кривичната пријава, таа е „скоро целосно зафатена од пламен“ и „сè уште гори“ кога излегува од возот.
Полицијата пристигна на станицата околу 21:25 часот, каде што ја пронајде жената како лежи на грб со тешки изгореници на лицето и телото. На местото на настанот се пронајдени делумно стопено шише, запалка и остатокот од запалливата течност, како и изгорени делови од нејзината облека.
Напаѓачот потоа мирно го напушти вагонот и си замина.
Рид е фатен во вторникот, облечен во истата облека што ја носеше за време на нападот, и наводно има изгореници на десната рака. За време на апсењето, камерите го фатија Рид како вика „гори кучко“ и „гори жива“.
Рид е обвинет за терористички напад и насилство во јавен превоз, за што се соочува со доживотен затвор. За време на појавувањата на суд, тој постојано повторуваше: „Се изјаснувам за виновен“, одби правна помош и беше упатен на психијатриска евалуација по необични испади.
Рид има децениско криминално досие, со повеќе од 48 апсења од 1993 година, вклучувајќи девет кривични дела. Сепак, тој отслужи само две години за прекршоци поврзани со дрога и 30 дена за возење со суспендирана возачка дозвола.
Во август, тој беше обвинет за нанесување тешки телесни повреди откако нападна социјален работник во болница, но беше пуштен на електронско следење.
Службениците истакнуваат дека тој „не требало да биде на улица“ со оглед на сите претходни насилни инциденти.