Фудбалската репрезентација на Португалија се квалификуваше за Светското првенство во 2026 година откако денес ја победи Ерменија со 9-1 во последното, шесто коло од квалификациите за Светското првенство во Порто.
Бруно Фернандеш и Жоао Невес постигнаа по три гола за Португалија. Фернандеш постигна гол во 45-тата+3-та (пенал), 52-ра и 72-ра (пенал), а Невес во 30-тата, 41-вата и 81-вата минута.
Ренато Веига постигна еден гол за Португалија во 7-мата минута, Гонзало Рамос во 28-мата и Франсиско Консеисао во 90-тата+2-ра минута. Единствениот гол за Ерменија го постигна Едуард Сперцјан во 18-тата минута.
Португалија го освои првото место во Групата Ф со 13 бода.
Репрезентацијата на Република Ирска ќе игра во плејофот за Светското првенство, откако денес во Будимпешта ја победи Унгарија со 3-2.
Сите три гола за Ирците ги постигна Трој Перо во 15-тата (пенал), 80-тата и 90+6-тата минута. Головите за Унгарија ги постигнаа Даниел Лукач во 4-тата и Барнабас Варга во 37-мата минута.
Република Ирска на крајот го освои второто место на табелата во Групата Ф со 10 бода и ќе игра во плејофот за Светското првенство во 2026 година. Унгарија ги заврши квалификациите на третото место на табелата со осум бода, додека Ерменија е последна со три.