Во Јавното претпријатие „Улици и патишта“ за директор ќе биде назначен Борис Настов, кој ја извршуваше истата функција на почетокот од мандатот на поранешната градоначалничка Данела Арсовска.
Во „Водовод и канализација“ нов вршител на должноста директор ќе биде Иван Митровски, досегашниот заменик-градоначалник на Кисела Вода.
Како што информираше скопскиот градоначалник, Орце Ѓорѓиевски, во Јавното сообраќајно претпријатие (ЈСП) за директор ќе биде назначено лице кое долги години работи во тоа претпријатие, додека во „Комунална хигиена“ ќе биде поставен човек со долгогодишно искуство во комуналниот сектор на Град Скопје.
„Во ‘Комунална хигиена’ ќе биде поставен директор кој исклучително добро се покажа за време на акцијата ‘72 часа’. Не е актуелниот в.д. директор. Се вика Драги — човек кој долги години работел во комуналниот сектор во Град Скопје, не бил експониран ниту партиски, ниту во јавност. Во ЈСП Скопје ќе биде назначен Саше, кој долги години работи во претпријатието, има искуство и ги разбира процесите,“ изјави Ѓорѓиевски.