Израелска безбедносна фирма вели дека била контактирана од крадците што стојат зад кражбата на накит во Лувр, нудејќи тајни преговори за продажба на украдените предмети на темната мрежа.
Фирмата тврди дека раководството на Лувр ја игнорирало понудата, дури и откако крадците дале јасни докази дека поседуваат дел од украдените накит. Се вели дека крадците барале десетици милиони евра за украдените предмети.
Цвика Навех, извршен директор на компанијата, изјави дека фирмата добила шифрирана порака преку својата веб-страница пет дена по кражбата на 19 октомври од лице кое тврдело дека ги претставува крадците. „Тој ни понуди преговори на темната мрежа за купување на украдените предмети, ограничувајќи го контактот на само 24 часа“, рече Навех.
„Фирмата се вклучи во серија шифрирани разговори со претставник на крадците и доби индикации дека тој навистина поседува барем дел од украдените предмети. Тие беа во бегство и требаше брзо да се ослободат од својот плен“, додаде тој.
„Изгубивме кредибилитет кај крадците, а Лувр пропушти вистинска можност да ги врати скапоцените камења. За жал, егото и двоумењето се чини дека одиграа улога“, рече Навех.
Тој тврди дека пред неколку месеци, во интервју за италијанскиот весник Il Tempo, предупредил за дискусиите на darknet кои сугерираат планови за грабеж на Лувр.
Некои извештаи сугерираат дека CGI Group е вклучена во истрагата за грабежот, но Лувр негираше каков било директен контакт со израелската компанија. Компанијата тврди дека комуникацијата се случила преку нејзината италијанска филијала и веројатно била организирана од осигурителна компанија поврзана со музејот.
Крадците провалиле во една од најлуксузните соби на музејот и избегале со крунските скапоцености, за кои се проценува дека вредат 88 милиони евра.
.