Во загрепската населба Трње, 42-годишна жена направи сообраќајна несреќа притоа возејќи со 3,06 промили алкохол во крвта.
При обид за паркирање, таа удри во друго возило, соопшти полицијата.
Инцидентот се случи во средата околу 8 часот наутро кога при паркирање удри во автомобил сопственост на 25-годишна жена.
Несреќата предизвика само материјална штета, а алкотестот покажал 3,06 г/кг алкохол во телото.
Таа веднаш е уапсена и однесена во посебните простории на полицијата за да се отрезни. Откако престанале ефектите од алкохолот, таа е донесена во Општинскиот суд за прекршоци во Загреб.
Во обвинението, полицијата бара парична казна од 1.580 евра и тримесечна забрана за управување со возило од категорија Б.
Сепак, судот беше многу построг. Ја прогласи за виновна и ѝ изрече парична казна од 2.260 евра, заедно со изрекување заштитна мерка забрана за управување со моторно возило од категорија Б во траење од три месеци.