ВМРО-ДПМНЕ заедно со коалиционите партнери од Владата, „Вреди“ и ЗНАМ, обезбедуваат мнозинство во новиот состав на Советот на Град Скопје.
Според конечната распределба на мандатите објавена на веб-страницата на Државната изборна комисија (ДИК), ВМРО-ДПМНЕ ќе има 18 советници, партиите Левица, „Вреди“ и ДУИ по 6 советници, додека СДСМ ќе има 5.
По еден советнички мандат освоија коалицијата „Искуство за успех“, партијата ЗНАМ, како и граѓанските листи „Независни заедно“ и „Зелен хуман град“.
Тоа значи дека од вкупно 45 советници, колку што брои Советот на Град Скопје, владејачката коалиција составена од ВМРО-ДПМНЕ, „Вреди“ и ЗНАМ ќе има вкупно 25 советници, што е стабилно мнозинство.
На локалните избори во 2021 година, ВМРО-ДПМНЕ имаше ист број советници – 18. СДСМ тогаш освои 12, што е седум помалку во однос на сегашните резултати. ДУИ имаше пет советници, Левица четири, а по две советнички места имаа Алијанса за Албанците и Алтернатива, коалицијата ЛДП/ДОМ и независните од „Зелен хуман град“.