За време на интервју за „Фокс њуз“, американскиот претседател Доналд Трамп повторно го привлече вниманието на јавноста – овој пат поради еден пропуст во кој ја замени Ерменија со Албанија додека зборуваше за конфликтот во Нагорно-Карабах.
„Ги завршив војните за кои се сметаше дека се нерешливи. Азербејџан и Албанија. Траеше многу, многу години“, рече тој.
Trump confused Armenia with Albania during a Friday interview on Fox News.
“I ended wars that were thought to be unsolvable. Azerbaijan and Albania. It went on for many, many years,” he said. pic.twitter.com/86KJvi17Rm
— NEXTA (@nexta_tv) September 12, 2025
Во август, со посредство на американскиот претседател, Ерменија и Азербејџан потпишаа мировна декларација.
Двете земји се согласија да работат на создавање клучен транспортен коридор под надзор на САД.
Во истото интервју за „Фокс њуз“, Трамп зборуваше и за Путин, каде што истакна дека долго време одржува добри односи со него, но изрази фрустрација поради неуспехот да се стави крај на конфликтот во Украина.