Чарли Кирк (31), еден од најпознатите американски конзервативни активисти и коосновач на организацијата Turning Point USA, беше убиен вчера за време на митингот на Универзитетот Јута Вали во градот Орем.
Полицијата и ФБИ трагаат по осомничениот, додека две лица кои првично беа уапсени се ослободени бидејќи не биле поврзани со злосторството. Кирк во времето на нападот држел политичка дебата на отворено, која ја нарекол „Докажи ми дека грешам“.
A massive chunk of America is openly happy about Charlie Kirk being assassinated.
Where the hell does the US go from here? pic.twitter.com/PRiigvo0w3
— 𝐍𝐢𝐨𝐡 𝐁𝐞𝐫𝐠 ♛ ✡︎ (@NiohBerg) September 11, 2025
Неговата смрт предизвика широка осуда и изрази на тага меѓу политичарите и јавните личности од сите политички убедувања. Американскиот претседател Доналд Трамп го опиша Кирк како „одличен, дури и легендарен“ и вети дека ќе го бара сторителот.
Гувернерот на Јута, Спенсер Кокс, го нарече чинот „политички атентат“, додека многу американски политичари и партиски лидери, вклучувајќи ги и поранешните американски претседатели, повикаа на единство и отфрлање на политичкото насилство.
Влијанието на Кирк како еден од главните застапници на конзервативизмот во САД беше значајно, особено во мобилизирањето на младите луѓе за Републиканската партија. Видео од нападот брзо се прошири на социјалните мрежи.
Во врска со овој настан, на социјалната мрежа X се појави видео во кое некои американски студенти ја изразија својата радост поради веста за смртта на Кирк.
На почетокот од видеото, на прашањето „Чарли Кирк беше застрелан и убиен. Како се чувствувате?“, студентот одговара: „Ах, среќен. Збогум“. Друг минувач, на истото прашање, кратко вели: „Тоа е добро“. Кога го прашале дали мисли дека е добро што луѓето се застрелани само поради нивните политички ставови, тој потврдува.
Друг испитаник додава: „Се обидувам да не се зафаќам премногу со тоа, но тој беше женомрзец. Одвратна личност со одвратни ставови“. Кога ја прашале дали би го спречила атентатот доколку можела, таа одговара: „Не. Мислам дека работите се случуваат со причина“.
Една студентка рече дека убиството на Чарли Кирк „требало да го направи некој“.
Сепак, некои студенти се неутрални. Еден вели дека нема посебни чувства во врска со тоа, а друг додава: „Не би му го посакал тоа на никого, но не мислам дека неговите политички ставови се правилни“.
Конечно, еден испитаник предупредува дека целата приказна веројатно ќе биде искривена: „Левицата посеа толку многу омраза и ги испра мозоците на луѓето да прават глупави работи. Сега ќе ја свртат приказната и ќе кажат дека тој ширел омраза и заслужувал да умре. Тоа е знак за моралното распаѓање на американското општество. Луѓето се деградираат само поради нивните политички убедувања“.