Американскиот претседател Доналд Трамп денес изјави дека самитот на Г20 следната година ќе се одржи во Мајами, Флорида, и дека би сакал рускиот претседател Владимир Путин да дојде на тој самит.
Трамп им рече на новинарите во Овалната соба во Белата куќа дека самитот на Г20 ќе се одржи во Америка за првпат по речиси 20 години, објави Ројтерс.
„Додека ја славиме 250-годишнината од нашата нација следната година, Соединетите Американски Држави ќе имаат чест да бидат домаќини на самитот на Г20 тука во Америка за првпат по речиси 20 години“, рече Трамп.
Г20 е форум на земји основан во 1999 година, кој се состанува за да разговара за плановите за глобалната економија, а неговите членови сочинуваат 85 проценти од светското економско производство и 75 проценти од светската трговија, објави Танјуг.