Актуелниот бранител на трофејот – Пари Сен Жермен, немаше многу среќа во ждрепката, бидејќи ќе се соочи со неколку тешки предизвици во првата фаза од натпреварувањето.
Избраниците на Луис Енрике ќе играат против Барселона, Баер Леверкузен, Спортинг и Атлетик Билбао, додека на „Паркот на принцовите“ ќе бидат домаќини на Баерн Минхен, Аталанта, Тотенхем и Њукасл.
Новокрунисаните светски клупски шампиони на ФИФА – тимот на Челси, ќе бидат домаќини на Баерн, Аталанта, Наполи и Карабаг, додека Барселона, Бенфика, Ајакс и Пафос ќе одат во Лондон.
Се очекува Барселона да има натпревари против Пари Сен Жермен, Ајнтрахт, Олимпијакос и Копенхаген дома, односно Челси, Клуб Бриж, Славија Прага и Њукасл на гости.
Манчестер Сити на Пеп Гвардиола ќе се обиде да го подобри впечатокот во однос на претходната сезона, но задачата нема да биде лесна: Борусија Дортмунд, Баер Леверкузен, Наполи и Галатасарај ќе гостуваат на „Етихад“, додека „граѓаните“ ќе гостуваат против Реал Мадрид, Виљареал, Боде Глимт и Монако.
Баерн Минхен беше првиот што беше извлечен и ќе ги пречека Челси, Клуб Бриж, Спортинг и Унион Сен-Жол на својата „Алијанц Арена“, додека ќе оди кај Париз-Сен-Жермен, Арсенал, ПСВ и Пафос!
Англискиот шампион Ливерпул може да биде задоволен од тоа како одлучија топките во Монте Карло. Екипата на Арне Слот исто така изгледаше одлично во текот на првата сезона од новиот формат на Лигата на шампионите, завршувајќи ја главната фаза на првото место. Тие ќе имаат шанса да го повторат тој резултат оваа година, бидејќи ривали ќе им бидат: Реал Мадрид, Атлетико Мадрид, ПСВ и Карабаг дома и Интер, Антрахт, Галатасарај и Марсеј на гости.
Најуспешниот клуб во Лигата на шампионите и единствениот тим со над 500 натпревари во елитата Реал Мадрид ќе игра против Манчестер Сити, Јувентус, Марсеј и Монако дома, додека ќе ги посети Ливерпул, Бенфика, Олимпијакос и Каират.
Вицешампионот на Европа – Интер, ќе ги пречека Ливерпул, Арсенал, Славија Прага и Каират, додека ќе ги оди нагости кај Борусија Дортмунд, Атлетико Мадрид, Ајакс и белгиска Унион.
Борусија Дортмунд, аутсајдерот од првиот шешир, ги пречекува Интер, Виљареал, Бодо Глимт и Атлетик Билбао, додека домаќини ќе им бидат Манчестер Сити, Јувентус, Тотенхем и Копенхаген.
Точниот распоред на сите натпревари ќе биде објавен во сабота!