Во Москва денеска е измерена температура од 34,6 степени, со што е срушен рекордот за температура поставен пред 122 години, изјави научниот директор на Рускиот хидрометеоролошки центар – Роман Вилфанд.
Вилфанд изјави за Интерфакс дека рекордната температура е измерена во Москва денес во 15 часот по локално време.
Тој изјави дека претходниот рекорд за температура од 34,5 степени е измерен во Москва во 1903 година.
Вилфанд истакна дека во наредните денови не се предвидуваат нови рекорди за температура, туку постепено намалување на температурата.