Земјотрес со јачина од 4,5 степени според Рихтеровата скала ја погоди Албанија денес, соопшти Европско-медитеранскиот сеизмолошки центар (EMSC).
Земјотресот се случил утрово во 3.04 часот, на длабочина од пет километри.
Како што е објавено, областа била погодена од неколку последователни потреси, од кои најсилните биле со јачина од 3,0 и 3,4 степени.
Сеизмолошката опсерваторија при Природно-математичкиот факултет во Скопје соопшти дека според досегашните податоци, земјотресот е почувствуван во југозападните делови на земјава со интензитет од III степени според Европската макросеизмичка скала.