Овој дизајнерски проект, изработен во Сиетл, е мешавина на џакузи и на чамец. Создаден е за уживање, а чини „само“ 42.000 долари.
Џакузи чамецот е електричен чамец со вградено џакузи во палубата позиционирано во самата средина на чамецот, што дава одредена стабилност. Со интегриран дизел бојлер и термостат што ја грее водата, можете да уживате и да се опуштите додека пловите со своите најблиски пријатели.
Тука е и водоотпорен стерео систем што пушта музика од вашиот МП3 плеер низ два звучника кои излегуваат од палубата. Има и четири кутии со мраз, за да уживате во пиењето вино или студениот пијалок по ваш избор.
Електричен мотор го придвижува чамецот со максимална брзина од пет милји на час.
Неговата дополнива батерија ви дава десет часа резервна енергија користејќи ја Smart Plug конекцијата и полначи на самиот брод.