Високата претставничка за надворешна и безбедносна политика на ЕУ, Каја Калас се соочува со многу критики во првите месеци на функцијата, а претставниците на Брисел најмногу ја критикуваат дека продолжила да „се однесува како премиерка“, велат извори за Политико.
За време на посетата на Киев, веднаш по преземањето на функцијата во декември, Калас на мрежата Х објави дека „Европската унија сака Украина да победи во оваа војна“, а некои официјални претставници на ЕУ рекоа дека се чувствуваат непријатно што шефот на Европската служба за надворешни работи, на првиот ден на работа, си дава слобода да „надмине она што тие го сметаа за воспоставената реторика за повеќе од две години од војната во Украина“, се вели во порталот Brussel.
„Калас сè уште се однесува како премиер“, рече еден дипломат на ЕУ, кој сакаше да остане анонимен, мислејќи на нејзиниот претходен мандат како премиер на Естонија.