Повредени со изгореници ќе се носат и во Полска, Шведска, Холандија и Италија

Од:

Бројката на хоспитализирани лица кои изгореа во пожарот во дискотеката во Кочани надминува 160 – 170 заедно со 16-те примени во приватните болници. Во најкус рок, за 24 часа, сите се згрижени и кон сите е постапено соодветно, а над 70 пациенти се успешно транспортирани надвор од земјава. Со оглед дека се исполнети капацитетите во соседството, од денеска пациенти ќе се испраќаат и во Италија, Холандија и Белгија. Лекарски тимови од Чешка и Израел им помагаат на нашите лекари, додека тим од Британија денеска ќе пристигне во земјава за да помогне во подвтување на следната фаза на рехабилитација на повредените, рече директорот на Фондот за здравствено осигурување, Сашо Клековски по посетата на болницата ГОБ „8 Септември“ заедно со премиерот Христијан Мицкоски.

Според Клековски, сите пациенти се живи и тоа, како што напомена, е голем успех, а критичните се испратени во специјализирани центри во странство.

-Ги уверувам членовите на семејствата дека сите пациенти, до последен, се мобилизирани и се прават максимални напори за нивно лекување. Нема ниту еден критичен пациент да не е згрижен во институција за изгореници, а Владата овозможи родителите да бидат со нивните деца, потенцира Клековски, додавајќи дека ова не е битка од 72 часа, туку ќе трае со недели и месеци.

Директорот на Фондот подвлече и дека податоци за пациентите нема да се соопштуваат лично.

-Медиумите да не очекуваат информации за тоа кој пациент во каква состојба е, странските болници инсистираат комуникацијата да биде преку Министерството за здравство, рече Клековски.

Директорот на ГОБ „8 Септември“ Синиша Стојаноски информира дека засега нема критични пациенти, сите се во стабилна состојба. Највеќе кај нив има изгореници од втор и трет степен, најмногу на главата и дланките. Други повреди се од видишување врел воздух и издувни гасови, како и трауматски набиеници и скршеници.

–Болницата максимално ќе се гиржи за сите пациенти и за оние што потенцијално ќе бидат упатени тука, тимот безрезервно се вложува. Протоколите се запазуваат максимално, изгорениците се отворени рани и се внимава да не дојде до потенцијални инфекции на раните, изјави Стопјаноски.

Прмеиерот Мицкоски апелира секој што бил во периметарот на ужасниот на стан да се јави на доктор независно дали чувствува проблеми или не.

-Како Влада правиме се што можеме за да спасиме човечки животи, потенцира Мицкоски.

Би можело да ве интересира

По трагедија во Кочани: Штипјани рекоа „Доста е“

Во Струмица, Гевгелија и Валандово собири во спомен на загинатите во пожарот во Кочани

Горан Наумовски

Мирен протест во Битола: Институциите дозволија живи да горат деца, да гори младината иднината на државата

Легендите на бугарскиот фудбал ќе им помагаат на настраданите во Кочани

Во Полска пренесени двајца повредени во пожарот во Кочани

Муцунски: Во болницата „Пирогов“ во Софија се лекуваат девет повредени од несреќата во Кочани

Горан Наумовски