ВИДЕО: 72 пациенти со изгореници се испратени во странство

Од:

Вкупно 72 пациенти од пожарот во клубот „Пулс“ во Кочани се лекуваат надвор од државата, откако во текот на вчерашниот ден беше испратен уште 21 пациент. Во Скопје на лекување остануваат 98 пациенти.

Во текот на вчерашниот ден, според информациите од Министерство за здравство пациентите се распределени по здравствените установи низ земјата, и тоа на Клиничкиот центар во Скопје – 52 пациенти, во ГОБ „8 Септември“ – 17 пациенти, Универзитетска клиника „Св. Наум Охридски“ – 12 пациенти, Клиника за токсикологија – 10 пациенти, Аџибадем Систина – 7 пациенти.

Надвор од државата во текот на вчерашниот ден на лекување биле упатени 21 пациент и тоа во Литванија – 4 пациенти, Австрија – 2 пациенти, Словенија – 2 пациенти, Република Србија – 12 пациенти и Република Бугарија – 1 пациент.

Сите пациенти од Кочани и од Штип се пренесени во скопските болници.

15 специјалисти од Белград и од Чешка се пристигнати во државава да помогнат за лекување на повредените во катастрофалниот пожар, а очекува да пристигнат и специјалисти од Израел кои ќе бидат распоредени по клиниките каде има потреба.

Од пациентите кои се во критична состојба, четворица ќе бидат испратени во Словенија, четворица во Хрватска, шестмина во Австрија и 12 во Србија.

Би можело да ве интересира

Протест на граѓанската иницијатива „Кој е следен“ во Скопје-загинатите во Кочани никогаш нема да бидат заборавени

Горан Наумовски

Хрстиќ: Подготвени сме да примиме на лекување уште повредени од пожарот во Македонија

Контрола на кабареа, ноќни и диско клубови: 22 со лиценца, 15 со неважечка, некои воопшто немале

Полицијата изврши претреси кај две лица вработени во Министерство за економија, во Општина Кочани и кај управителот и одговорното лице на дискотеката

Двајца повредени во пожарот во Кочани префрлени на лекување во Загреб

МТЕЛ Македонија донираше 3 милиони денари за семејствата од настраданите во пожарот во Кочани