Градоначалникот на општина Куманово, Максим Димитриевски изрази сочувство до семејствата на загинатите во пожарот во Кочани.
Димитриевски повика граѓаните заеднички да ја споделат болката, на повредените им посака брзо закрепнување.
– Во овие тешки моменти на болка и тага во мое лично име и во име на сите кумановчани изразувам длабоко сочувство до семејствата на починатите во пожарот во Кочани а на повредените брзо закрепнување. Ова е трагедија за Македонија и сите наши граѓани, мора да ја споделиме и поднесеме заедно сите, обединети, сплотени и солидарни како што некогаш биле нашите предци. Да ги оставиме надлежните да си ја вршат својата работа, здравствено да ги истретираат повредените, истражителите да ги утврдат фактите, а одговорност од сите видови ќе мора да има – напиша Димитриевски.