Марина Шифрин, пред неколку дена стана вистински хит на Интернет, откако даде отказ по пат на видео на ЈуТјуб, а сега стаса одговор од фирмата во која работеше.
Тимот од Некс Медиа Анимејшн, исто по пат на видео, одлучи да ја објасни својата страна од приказната и тоа во целост следејќи го урнекот кој Шифрин им го остави: за музичка позадина исто ја употребија песната „Gone“ од Каније Вест, исто го покажаа своите танцувачки можности и исто го снимија видеото во канцеларија.
Во него одговорија на нејзините обвинување, тврдејќи дека ручаат зад работното биро бидејќи во близина нема ресторан, но и демонстрираа колку добро се забавуваат бидејќи имаат и базен и сауна.
И најважно, порачаа дека вработуваат нови лица.