Макрон: Се надевам дека го убедив Трамп да не започнува трговска војна со ЕУ, туку со Кина

Францускиот претседател Емануел Макрон изјави дека се надева дека го убедил својот американски колега Доналд Трамп да не започнува трговска војна против Европа, туку да се фокусира на Кина.

Следете a1on на Instagram

– Не можете истовремено да водите трговска војна и со Кина и со Европа. Се надевам дека Трамп го разбира тоа, изјави Макрон за Фокс Њуз по средбата со американскиот претседател во Вашингтон, пренесува Политико.

Макрон нагласи дека за Вашингтон „приоритет е воведувањето царини за Кина“ и дека истовремена економска конфронтација со Европа не е во интерес на САД.

Тој додаде дека му објаснил на Трамп дека европскиот систем на ДДВ не претставува царина и дека ЕУ никогаш не вовела царини на увозот од САД. Според него, евентуална трговска војна би го загрозила и зголемувањето на воените трошоци на европските земји, што е еден од клучните барања на Трамп.

Следете a1on на Youtube

Францускиот претседател ќе ги информира лидерите на ЕУ за неговата средба со Трамп на утрешната средба.