Студенти кои ги блокираа белградските факултети и групи граѓани денеска околу 11 часот го блокираа мостот Газела пред Сава центар по повод 100 дена од уривањето на настрешница на Железничката станица во Нови Сад, во која загинаа 15 лица.
Автопатот е блокиран во двата правци, а собирот го обезбедува полиција. Блокадата ќе трае до 18 часот.
Според пишувањата на медиумите, новосадските студенти почнале со тричасовна блокада на три раскрсници во градот, која е предвидено да трае до 14 часот.