Далас Маверикс се блиску до договор за трејд со Лос Анџелес Лејкерс, во кој на Лејкерси ќе им се приклучат Лука Дончиќ, Макси Клебер и Маркиф Морис, пренесува ESPN.
Во замена, Далас ќе ги добие Ентони Дејвис, Макс Кристи и првиот пик на драфтот во 2029 година. Јута, исто така, учествува во овој тринасочен договор, според добро информираниот новинар на ESPN, Шемс Чаранија.
Џезерите ќе добијат Џејлен Худ-Скифин и два драфт пика од вториот круг.
The Mavericks approached the Lakers recently and offered Luka Doncic, sources tell ESPN. Lakers brass met and believed the 25-year-old Doncic has the ability to be the face of their franchise for the next decade while giving Anthony Davis a win-now move in Dallas.
— Shams Charania (@ShamsCharania) February 2, 2025
– Верувам дека одбраната освојува трофеи. Верувам дека доведувањето на еден од најдобрите играчи во НБА со одбранбен начин на размислување ни помага да ја постигнеме таа цел. Сега имаме тим кој победува сега и во иднина – изјави генералниот директор на Мавс, Нико Харисон.
Минатата година Мевси стигнаа до големото финале со Дончиќ и загубија од Бостон Селтикс.
Дончиќ сезонава поради разни проблеми со повреди досега одигра само 22 натпревари, а нема настап од 25 декември.
Веќе подолго време се шпекулира дека во Далас не се задоволни од состојбата на Словенецот како и недисциплината кога е во прашање исхраната, што беше една од причините за бројните повреди.