Градот „тврдина“ Велика Новосилка, кој се наоѓа на самата граница на Донбас со Днепар и Запорожје, беше заземен од Русите.
Според грчкиот портал „Pronews.gr“, ова е последниот голем украински центар за логистичка поддршка во јужен Донбас.
Центарот на градот e окупиран од Русите, а неговиот јужен дел бил исчистен. Борбите продолжуваат во северниот дел, кој се очекува наскоро да биде „расчистен“, се наведува понатаму во извештајот.
Се проценува дека Русите сега имаат можност да нападнат два големи украински града, со над милион жители, Запорожје и Днепар.
Друг дел од руската армија, наводно, влегла во градот Авдривка, западно од Курахово, и веќе го окупирала западниот дел од градот.
„Како што се развиваат работите на украинскиот фронт, Русија во овој момент нема интерес да ја запре војната и тешко дека претседателот Трамп веднаш ќе се пoслуша“, оценува Pronews.gr.
Се нагласува дека Русија изгледа не се плаши од заканите на новиот американски претседател кон Русија, со воведување „суперсанкции“, и е подготвена да се бори најмалку уште една година.
#Ukraine #Andreevka Nach Kämpfen am östlichen Rand von Andreevka westlich der eroberten Industriestadt Kurakhove dringt die russische Armee heute in die schwer befestigte große Ortschaft ein (MagZOV). Werden die Ukras sich auch hier zurückziehen? #Russia pic.twitter.com/1kng8xoCLy
— YOURMEDIA AGENCY (@YourmediaAgency) January 24, 2025
„Ситуацијата не е толку акутна за да бара прекин на сите воени дејствија… Можеме да истраеме, и ако одбраната на Украина продолжи да колабира, како што е сега, попаметно би било да продолжиме за другата страна да се согласи со нашите услови“, велат Русите.
Според Татјана Станова, аналитичарка во институтот Карнеги, Путин ги гледа заканите на Трамп како дел од политичката игра.
„Тој не ги сфаќа сериозно… Тој е подготвен за секое сценарио и нема илузии дека може брзо да се постигне договор“, вели таа.