Денеска во Вашингтон се одржува церемонијата на инаугурација на новоизбраниот американски претседател Доналд Трамп, а вниманието на јавноста го привлекува присуството на тројца технолошки магнати, Илон Маск, Џеф Безос и Марк Цукерберг, кои седат еден до друг меѓу елитата гости.
Нивното комбинирано нето богатство достигнува импресивни 884,2 милијарди долари, симболично претставувајќи ја моќта и влијанието на технолошкиот сектор:
Илон Маск: 433 милијарди долари
Џеф Безос: 239,4 милијарди долари
Марк Цукерберг: 211,8 милијарди долари
Маск, основачот на Tesla, SpaceX и X (поранешен Twitter), е познат по своите револуционерни проекти, додека Безос и Цукерберг ги предводат светските гиганти Amazon и Meta.
Нивното присуство на церемонијата не е само протоколарно. Безос и Цукерберг донираа по еден милион долари за организирање на инаугурацијата, додека Маск, чиј придонес се мери во милиони долари, ја поддржа кампањата на Трамп и беше назначен за шеф на тимот што треба да го намали буџетскиот дефицит на САД.
Овој момент отвора важни дискусии за улогата и влијанието на технолошките лидери врз американската политика, како и за идниот однос на технолошката индустрија со администрацијата на Трамп.
Интересно е тоа што првите луѓе на Мета, Икс и Амазон седнаа пред целиот кабинет на Трамп, што е јасен знак за тоа колкаво значење им дава на главите на најголемите светски компании и социјални мрежи.
Меѓу гостите се и поранешниот британски премиер Борис Џонсон и аргентинскиот претседател Хавиер Миел.