Фондацијата за културна и научна афирмација и презентација „Македонија презент“, во соработка со издавачката куќа „Феникс“, почна да го објавува својот нов електронски портал „Македонија презент“ (www.makedonijaprezent.com.mk) кој месечно ќе се збогатува со нови содржини.
– Порталот е замислен и остварен како поле за критичко-есеистичко размислување и просудување, па негови средишни рубрики и прилози се критиките и есеите, но не изостануваат и следните осум други категории: афоризми, дневник, колумни, мостови (преводи и препеви), поезија, проза, скопјерама (галрија за/на градот Скопје) и пано (илустрации, конкурси, новости и актуелности), информира фондацијата.
Во првиот број на новиот портал се објавени прилози од Лидија Капушевска-Дракулевска, Александар Прокопиев, Христо Петрески, Марта Маркоска, Мерсиха Исмаилоска, Панде Манојлов, Томислав Османли, Елена Пренџова, Васил Толевски.