Прогласени 10-те победнички во изборот „Жена на годината 2024“

Од:

На свечена церемонија исполнета со инспиративна атмосфера и многу позитивна енергија, во Музејот на македонската борба во Скопје, денеска се одржа прогласувањето на победничките во македонскиот избор за Жена на годината 2024.

Наградени беа вкупно 10 дами, кои со својот професионален и општествен ангажман секојдневно и во континуитет поставуваат високи стандарди на деловно и етичко однесување и оствариле забележителни резултати во годината што одминува.

Изборот за „Жена на годината“ започна со онлајн номинирање кое беше отворено за целата домашна јавност, при што беа поднесени вкупно 437 номинации. Од сите нив беше формирана листа на финалистки, по 5 во секоја категорија, за кои потоа гласаше жири-комисија составена од претставници на медиуми, образовни институции, организатори и соработници.

Лауреатот македонска Жена на годината 2024 го понесе Елена Пандева (ELENA LUKA), авангардна македонска дизајнерка, но и сопственик и генерален менаџер на повеќе компании од различни индустрии.

Во продолжение, следува листата со овогодинешните победнички во сите категории од изборот „Жена на годината 2024“:

1. Жена на годината – Елена Лука

2. Жена со трајни вредности – Зорана Костовска

3. Жена менаџер на годината – Никица Мојсоска – Блажевски

4. Жена со најголеми достигнувања во науката и технологијата – Јехона Спахиу Јанчевска

5. Млада жена менаџер на годината (до 40 години) – Зорица Бужаровска Бошковска

6. Жена со најголеми достигнувања во културата – Маја Андоновска Илијевски

7. Жена со најголеми достигнувања во спортот – Милијана Релиќ

8. Жена со најголеми достигнувања за општеството – Фатма Бајрам Аземовска

9. Жена со најдобар стил – Вера Мештеровиќ

10. Инфлуенсерка на годината – Емм Блажеска (@emmwandera)

Во конференцискиот дел на настанот, свои предавања одржаа: Сања Митровска (Networker); Елена Панова (А1) и Хелена Кодрич Мори. Во панел дискусијата која беше модерирана од Проф. Д-р Маја Кузмановска учествуваа: Биљана Шеновска – Генерален менаџер на ИТД Дистрибуција, Ана Секуловска – Програмски директор во Startup Club Скопје и Елена Лука .

Организатори на „Жена на годината“ се Маркетинг365 и Касиа Евентс.

Би можело да ве интересира

ФОНД НА ПИОМ: Пензионерите и осигурениците можат да бидат спокојни пензии редовно се исплаќаат и ќе се исплаќаат и во иднина секој први во месецот

Филипче: Оджливоста на ПИОМ е нарушена, сметката празна – власта ги става во ризик и пензиите на идните генерации

Предраг Петровиќ

Пензионерите кои се за линеарно зголемување на пензиите ќе протестираат во понеделник пред Уставниот суд

ВИДЕО: Демнач плаши станари на зграда во Кисела Вода

Надојдена Калковска Река, сообраќајот пренасочен

Беким Сали станува прв вицепремиер, а Мухамед Хоџа ќе биде министер за екологија