Маскирани крадци упаднаа во замокот „Виндзор“ додека принцот Вилијам, неговата сопруга принцезата Кејт Мидлтон и нивните деца спиеја во близина, објави доцна синоќа британски „Сан“.
Според информациите, крадците со украден камион ја пробија безбедносната капија на кралскиот имот.
– Крадците знаеле дека возилата се сместени таму и знаеле кога е најдобро време да дојдат и да избегаат без да бидат фатени – изјави неименуван извор за „Сан“.
Двете лица избегаа со автомобил „пикап“ и со квад велосипед кои биле во шталата.
Се верува дека членовите на кралското семејство се наоѓаа во замокот Аделаида, кој е оддалечен само пет минути пеш од местото каде што упаднаа крадците.