МВР информира дека вчера наутро во 09.27 часот во СВР Скопје е пријавено дека на кеј на реката Вардар, во близина на паркот „Франкофонија“, е пронајдено тело на починато машко лице.
Лекар од Итна медицинска помош констатираше смрт, а по наредба на јавен обвинител телото на починатиот е предадено на обдукција.
Само неколку часа подоцна, во 13.21 часот во СВР Скопје е пријавено дека на потегот од клучка Арачиново кон клучка Хиподром е пронајдено тело на починато машко лице.
По преземени мерки и извршен увид и се констатираше дека се работи за Б.М.(63) од Скопје, за кој на 27 минатиот месец беше пријавено дека се оддалечил од домот.
Лекар од Итна медицинска помош констатираше смрт без видливи траги на насилство, а по наредба на јавен обвинител телото на починатиот е дадено на обдукција.
Половина час подоцна, во СВР Скопје е пријавено дека на скали за влез во подрумски простории на подрачјето на Карпош е пронајдено починато машко лице.
Лекар од Итна медицинска помош констатираше смрт, а по наредба на јавен обвинител телото е дадено на обдукција.