Новоизбраниот американски претседател Доналд Трамп ја именуваше Сузи Вајлс, менаџерката на неговата кампања, за нова шефица на кабинетот на Белата куќа, што ја прави првата жена во историјата на САД на чело на кабинетот.
„Сузи е силна, паметна, иновативна и исклучително добро почитувана. Таа ќе биде клучна во постигнувањето на нашите цели да ја направиме Америка повторно голема. Чест е да се биде првата жена што ќе ја заземе оваа позиција и сигурен сум дека таа ќе ја направи нашата земјата горда“, рече Трамп во изјавата, пренесува Си-Ен-Ен.
Вајлс, долгогодишен републикански стратег од Флорида, доби широко признание за нејзината улога во управувањето со кампањата на Трамп на Флорида во 2016 и 2020 година.