Поранешниот член на групата „One Direction“, Лијам Пејн, на денот на неговата смрт поднел оставка како директор на неговите четири музички компании, кои забележале значителен пад на вредноста.
Според новите документи објавени во Companies House, Пејн ја поднел својата оставка на денот кога умрел, а извештаите покажуваат дека две од неговите фирми изгубиле вкупно 300.000 фунти.
Неговата фирма Hampton Music Ltd, која беше проценета на 17.300 фунти минатата година, и Hampton Records Ltd, вредна 300.000 фунти во 2022 година, паднаа на нешто помалку од 75.000 фунти.
Вредноста на неговата компанија за турнеи, Long Play Touring LLP, исто така падна од околу 135.000 фунти во 2022 година на само 17.000 фунти минатата година. Конечно, Hampton Publishing Ltd сега вреди само 729 фунти.
Пред да умре, Пејн планирал враќање на сцената, преговарајќи за турнеја за 2025 година. Извори блиски до пејачот открија дека тој разговарал за низа настапи следната година, но пријателите биле загрижени дали тој ќе може да се справи со патувањата.
„Кога излезе на виделина дека Лијам разговарал со нови луѓе за серија настапи, постоеше загриженост меѓу пријателите дека тоа можеби е лоша идеја“, откри негов пријател.
Патем, Пејн неодамна раскина со неговиот менаџмент, а многумина сметаа дека би било неразумно да се започне турнеја во тој момент.