Вулканот Етна еруптираше во текот на ноќта, поради што беше затворен блискиот аеродром во Катанија, на источниот брег на Сицилија, соопшти денеска италијанскиот институт за геофизика и вулканологија (ИНГВ). Вулканот испуштил големо количество чад и гасови до висина од 9,5 илјади метри. Раководството на аеродромот во Катанија најави дека ќе биде затворен до 18 часот по локално време.
Таа извести дека пепел ги покри авионите и пистите и дека работата ќе продолжи кога инфраструктурата повторно ќе профункционира. „Ги замолуваме патниците да не пристигнуваат на аеродромот пред да го проверат статусот на нивниот лет“, соопштија од аеродромот и предупредија на значителни доцнења.
Темна прашина ги покри куќите и улиците низ Катанија. Етна, висок 3350 метри, е најголемиот активен вулкан во Европа. Често еруптира и е под постојан надзор, а неговите спектакуларни ерупции секогаш привлекуваат голем број љубопитни луѓе.