Италијанската боксерка Анџела Карини реши да му го предаде мечот на Алжирката Иман Хелиф во категоријата до 66 килограми откако доби неколку удари од натпреварувачката кој неодамна доби забрана од Светската боксерска федерација поради присуство на машки XY хромозоми.
Иман Хелиф силно ја удри Анџела Карини за време на мечот, а Италијанката побара да и ја поправат кацигата. Следуваше продолжение на борбата во која Хелиф и зададе уште еден силен удар на Карини.
Боксерката се повлече во нејзиниот агол, а по консултација со тренерот, италијанскиот тим побара тепачката да се прекине.
Анџела Карини во солзи го предаде мечот.
„Никогаш во животот не сум била толку силно погодена од никој“, рече таа.
Таа имаше порака и до Меѓународниот олимписки комитет.
– Мислам дека треба да се зафатат со овој случај“, рече Карини.
Портпаролот на МОК Марк Адамс изјави дека за таа организација важи она што е напишано во официјалните документи на натпреварувачите.
„Нема да коментирам поединци. Тоа е навистина злонамерно и неправедно. Но, само би рекол дека сите што учествуваат во женска категорија ги почитуваат правилата за подобност за натпреварот. Во нивните пасоши пишува дека се жени и тоа ни е доволно“, изјави Адамс.