Шефот на украинската разузнавачка служба ГУР Кирил Буданов денеска изјави дека имало неколку обиди за убиство на претседателот на Русија Владимир Путин, но дека биле неуспешни.
Одговарајќи на прашањето во интервју за порталот New Voice дали знаел за обидите за убиство на Путин, шефот на ГУР одговори потврдно.
„Имаше обиди за атентат, но, како што можете да видите, тие досега беа неуспешни“, рече тој, пренесува Интерфакс Украина.
Буданов истакна дека Путин е на власт во Русија повеќе од 20 години, па Русите сега „имаат страв да не го загубат, бидејќи тој е гарант за нивната животна стабилност“.
Портпаролот на Кремљ Дмитриј Песков, коментирајќи ја изјавата на Буданов, изјави дека безбедноста на рускиот претседател е „на соодветно ниво“.
„Сите закани на режимот во Киев се очигледни, затоа безбедноста на првиот човек е обезбедена на соодветно ниво“, нагласи Песков.