Припадниците на израелските одбранбени сили (ИДФ) врзаа ранет Палестинец за хаубата на воен џип за време на рација во градот Џенин на Западниот Брег, а израелската армија најави истрага за инцидентот.
Видео кое кружи на социјалните мрежи, потврдено од Ројтерс, на џипот го покажува жителот на Џенин, Муџахед Азми.
BREAKING: Israel Shoot A Palestinian, Tie Him To Hood Of Vehicle While He Bleeds And Fhen Ise Him As Human Shield In The West Bank
They also stopped the ambulance from reaching the hospital. pic.twitter.com/RjDB2jz0YA
— Khalissee (@Kahlissee) June 22, 2024
ИДФ во соопштението наведе дека врз израелските сили било пукано и дека тие возвратиле и го раниле Азми, по што тој бил заробен. Армијата во соопштението наведува дека војниците потоа го прекршиле воениот протокол, како и дека нивното „однесување не е во согласност со вредностите“ на израелската армија.
Овој инцидент, како што е најавено, ќе се истражува. Ранетиот Палестинец е пренесен во болница, се додава во соопштението.
Според семејството на Азми, имало рација при што тој бил ранет, а кога семејството повикало брза помош, војската го врзала за хаубата и го однела.