„Мал битолски Монмартр“ по 31-ви пат

Од:

Пред националната галерија во Старата битолска чаршија, вечерва свечено ќе се отвори меѓународната детска ликовна колонија „Мал битолски Монмартр“ по 31-ви пат. Домаќин и организатор ќе биде детското ликовно студио „Св.Кирил и Методиј“ од Битола.

Потоа ќе биде отворена светската ликовна изложба со 844 од вкупно 10.062 ликовни творби на деца од 19 држави во светот, и ѓе се доделат наградите за најдобрите ликовни колекции и поединечни остварувања.

Учениците од богословското православно училиште „Венјамин Костачи“ од Манастиреа Неамт, Романија се добитниците на главната награда „Гран при“, а специјални колективни награди ќе им бидат врачени на „Арт-училиште“ од Пекинг, Кина и училиштето „Ладислава Станчека“ од Превидза, Словачка.

Во рамките на колонијата ќе се одржи ликовен хепенинг на тема „Олимпијадата во очите на децата“. Најдобрите творби ќе бидат изложени на летните Олимписки Игри во Лондон. Детската ликовна колонија ќе трае до 30 – ти мај.

Би можело да ве интересира

„Овој пат таа кажува“ – 51. МОТ со програма во знакот на женскиот авторски глас

Skopje Design Week 2026: Скопје станува европска точка на средба на дизајнот, занаетчиството и новите креативни идеи

Огромен интерес за мастеркласот на Драган Бјелогрлиќ на Скопје Филм Фестивал 2026

„Бои и вино“ – ликовно ќоше каде секој може да биде уметник

А1 Македонија партнер на 26. Скопје филм фестивал

Ново издание на месечните „Кино средби“ на Францускиот институт Скопје во Кинотеката